काणकोण: मतदानाच्या दुसऱ्याच दिवशी कॉंग्रेसचे युवा उमेदवार जनार्दन भंडारी यांनी विश्रांती न घेता सामान्य जनतेचे प्रश्न सोडविण्यासाठी आंदोलक असल्याचे सिद्ध केले. काणकोणमधील काही भागांना पाणी पुरवठा होत नसल्याची तक्रारी येथील रहिवाशांनी केल्या होत्या मात्र निवडणूक काळात त्या तक्रारीची दखल घेण्यात आली नाही.

आज गोवा फॉरवर्डचे प्रशांत नाईक (Prashant Naik), जनार्दन भंडारी यांनी कॉंग्रेस कार्यकर्त्यांसमवेत पाणी पुरवठा विभागाच्या अधिकाऱ्यांना याचा जाब विचारला व पंधरा दिवसांत या भागाचा पाणी पुरवठा सुरळीत करण्यासाठी आग्रह धरला आहे. यावेळी त्याच्या सोबत सिद्धार्थ गायक, कॉंग्रेसच्या महिला गटाध्यक्ष उर्सिला डिकॉस्टा अन्य कार्यकर्ते उपस्थित होते.

पर्तगाळ, फुलामळ, पैगीण पंचायत क्षेत्रातील पोटके व अन्य भागात गेल्या पंधरा दिवसांपासून पाणी पुरवठा झाला नाही हा त्यांचा दावा होता.