पणजी: सोनसोडो येथील जुन्या कचरा विल्हेवाटीसंदर्भात सादर केलेल्या अहवालात विसंगती दिसून आल्याने मुंबई उच्च न्यायालयाच्या गोवा खंडपीठाने सरकारला प्रश्‍न करून त्याचे स्पष्टीकरण करण्याचे निर्देश देत ही सुनावणी पुढील मंगळवारी 19 एप्रिलला ठेवली आहे.

सोनसोडो कचरा विल्हेवाटसंदर्भातच्या प्रकरणावर उच्च न्यायालय लक्ष ठेवून आहे. गोवा फाऊंडेशनने सोनसोडो येथील जुन्या कचरा विल्हेवाटीसंदर्भात सरकारकडून चालढकलणा सुरू असल्यासंदर्भातची जनहित याचिका सादर केली आहे. ती आज सुनावणीसाठी आली होती. सरकारने कचरा विल्हेवाटीसंदर्भात यापूर्वी सादर केलेल्या अहवालात 65 टक्के कचऱ्याची विल्हेवाट लावण्यात आल्याची माहिती दिली होती.