Covid 19 : पणजी, राज्यात आज गुरुवारी कोरोनाचे आणखीन ४ नवे रुग्ण सापडले. त्‍यामुळे एकूण सक्रिय रुग्णांची संख्या आता १५ झाली आहे.

दरम्‍यान, सार्वजनिक ठिकाणी फिरताना मास्क वापरणे आवश्यक असल्याचा सल्ला देण्याचा विचार आरोग्य सेवा संचालनालय पातळीवर सध्या सुरू आहे.

राज्‍यात पर्यटकांची गर्दी वाढू लागल्याने मास्कची गरज भासत असल्याचे सरकारी यंत्रणेचे मत बनले आहे. मात्र त्‍यामुळे जनतेत घबराट निर्माण होईल काय, याबाबतही विचार सुरू आहे. येत्या दोन-तीन दिवसांत याबाबतची मार्गदर्शक तत्त्वे जारी करण्यात येण्‍याची शक्‍यता आहे.