Flights To Goa: सूरत, गुजरात येथून गोवा आणि पुण्यासाठी थेट विमानसेवा सुरु झाली आहे. सूरतला शहरातून प्रथमच उत्तर गोव्यातील मोपा आंतरराष्ट्रीय विमानतळाशी कनेक्टिव्हिटी सुरु झाली आहे.

हीरा बुरसे सुरू झाल्यामुळे त्यांना येत्या पर्यटन हंगामात प्रवाशांची वाढण्याची शक्यता आहे.

स्पाइसजेट एअरलाईन्सने गोवा आणि पुण्यासाठी विमानसेवा सुरू केल्यानंतर येत्या काही दिवसांत जयपूर आणि मुंबईसाठी विमानसेवा सुरू करण्याच्या तयारीत आहे.

हीरा बुरसे सुरू झाल्यानंतर प्रवासी संख्या वाढण्याची शक्यता आहे. येत्या काही दिवसांत जयपूर आणि मुंबईसाठी विमानसेवा सुरू केली जाण्याची शक्यता आहे.

गोव्याला जाणारे विमान सूरत विमानतळावरून संध्याकाळी 5.20 वाजता सुटेल आणि 6.50 वाजता गोव्याला पोहोचेल तर, गोव्याहून संध्याकाळी 7.20 वाजता निघून रात्री 9.05 वाजता सुरतला पोहोचेल.

गोव्यासाठी सोमवार, मंगळवार, बुधवार, शुक्रवार, शनिवार आणि रविवारी विमान उड्डाणे सुरु राहतील.

पुण्याला जाणारे विमान सूरत विमानतळावरून सकाळी 6.20 वाजता उड्डाण करेल आणि पुण्याला सकाळी 7.40 वाजता पोहोचेल. पुण्याहून दुपारी 3.10 वाजता टेकऑफ होईल आणि 4.20 वाजता सुरत विमानतळावर पोहोचेल.

पुण्यासाठी रविवार, सोमवार, मंगळवार, बुधवार, गुरुवार आणि शुक्रवारी उड्डाणे सुरु असतील. शनिवारी हे विमान पुण्याहून सकाळी 7.50 वाजता उड्डाण करेल आणि सकाळी 9.00 वाजता सुरत विमानतळावर पोहोचेल. दोन्ही फ्लाइटचे विमान भाडे सुमारे 4000 ते 4500 रुपये असेल.