Goa Police: केंद्रीय राखीव दलातील पोलिस उपनिरीक्षक धनू भोगाटी याच्या सर्व्हीस पिस्तुलातून गोळी सुटल्याने त्याची पत्नी गौरी जखमी झाली.

याप्रकरणी निष्काळजीपणा बाळगल्याबद्दल पोलिसांनी धनू याच्यावर गुन्हा नोंदवला आहे.

पोलिस उपअधीक्षक जीवबा दळवी यांनी दिलेल्या माहितीनुसार, जखमी गौरीने जबानीत म्हटले की, घराची साफसफाई करताना तिने तेथे पिस्तूल पाहिले.

त्यावेळी तिने नकळत पिस्तुलाचा ट्रिगर ओढला आणि गोळी सुटल्याने ती जखमी झाली. पोलिसांनी फॉरेन्सिक टीमची मदत घेत गोळीचे अवशेष व इतर साहित्य गोळा केले आहे.

उपनिरीक्षक धनू भोगाटी याने सर्व्हिस पिस्तुलाबाबत निष्काळजीपणे दाखविल्याबद्दल त्याच्याविरोधात भादंसंच्या कलम ३३८ अन्वये गुन्हा दाखल केला आहे.

गौरीच्या डाव्या हाताच्या मनगटातून आरपार जाऊन डाव्या पायाच्या मांडीत घुसली. यात तिचे मनगट आणि मांडीचे हाड मोडले असून, तिच्यावर सध्या गोमेकॉत उपचार सुरू आहेत.

सध्या गौरीची प्रकृती धोक्याबाहेर असल्याचे सांगण्यात आले. गोमेकॉत गौरीवर उपचार सुरू असून, ती बोलू शकत नसल्याने अद्याप पोलिसांना तिचा जबाब घेता आलेला नाही.

प्रथमदर्शनी पिस्तुलामधून चुकून ही गोळी सुटल्याचे दिसते. असे पोलिस सूत्रांनी सांगितले.

निष्काळजीपणा भोवला

सर्व्हिस पिस्तूल हे पोलिस उपनिरीक्षकाच्या सेवेतील महत्त्वाचे शस्त्र आहे. परंतु, ते इतर कुणाच्या हाती लागणार नाही, याची दक्षता घेणे संबंधित अधिकाऱ्याची जबाबदारी असते.

परंतु, हे पिस्तूल पत्नीच्या हाती सहजपणे पोहचते, यात प्रथमदर्शनी उपनिरीक्षकाचा निष्काळजीपणा दिसतो, असे मत काहीजणांनी व्यक्त केले.