Dhangar Samaj: गोमंतक धनगर समाजोन्नती मंडळाच्या सांगे शाखेतर्फे 17वा अखिल गोवा धनगर महोत्सव होत आहे. सांस्कृतिक कला आविष्कार कार्यक्रम कला आणि संस्कृती खाते तसेच माहिती व प्रसिद्धी खात्याच्या संयुक्त विद्यमाने रविवारी (ता.22) सकाळी 11 वाजता वालकिणी उगे वसाहत क्र. एकमध्ये भरगच्च कार्यक्रमांनिशी आयोजित करण्यात आला.

अशी माहिती सांगे धनगर समाजाचे अध्यक्ष सदा डोईफोडे यांनी पत्रकार परिषदेत दिली. यावेळी खजिनदार रवी वरक, सुदेश यमकर, भैरो झोरे व जानू ताटे उपस्थित होते.

डोईफोडे म्हणाले की, महोत्सवाचे उद्‍घाटन अखिल गोवा धनगर समाजाचे अध्यक्ष बाबू कवळेकर यांच्या हस्ते करण्यात येणार आहे. यावेळी माजी आमदार वासुदेव गावकर, जिल्हा पंचायत सदस्य सुरेश केपेकर, सरपंच भारती नाईक, उपसरपंच रामा पांढरमिसाळ व इतर मान्यवर उपस्थित राहणार आहेत.

संध्याकाळी बक्षीस वितरण समारंभाला मुख्यमंत्री डॉ. प्रमोद सावंत, कला आणि संस्कृती मंत्री गोविंद गावडे, समाज कल्याण मंत्री सुभाष फळदेसाई, भाटीचे सरपंच चंद्रकांत गावकर व इतर मान्यवर उपस्थित राहणार आहेत.

संध्याकाळी 5.30 वा. बक्षीस वितरण कार्यक्रम होणार आहे. यावेळी उपस्थित पाहुण्यांच्या हस्ते धनगर समाजातील दहावी, बारावी व पदवी परीक्षेतील यशस्वी विद्यार्थी, तसेच क्रीडापटूंचा गौरव करण्यात येईल, अशी माहिती रवी वरक यांनी दिली.