डिचोली : महाराष्ट्राचे माजी मुख्यमंत्री तथा भाजपचे निवडणूक प्रभारी देवेंद्र फडणवीस हे उद्या डिचोलीत येणार आहेत. सायंकाळी 4 वा. येथील शेट्ये प्राईड इमारतीतील सभागृहात (बँक ऑफ इंडियाच्या वर ) आयोजित बैठकीत देवेंद्र फडणवीस (Devendra Fadnavis) भाजपच्या प्रमुख कार्यकर्त्यांसह प्रतिष्ठित नागरिक आणि विविध संघटनांच्या प्रतिनिधीशी संवाद साधणार आहेत. फडणवीस पक्षाची ध्येयधोरणे स्पष्ट करतानाच डिचोलीतील प्रमुख समस्या जाणून घेणार आहेत.

नियोजनासंदर्भात बैठकीत चर्चा करण्यात येणार आहे. यावेळी डिचोलीतील (Bicholim) भाजपचे उमेदवार राजेश पाटणेकर यांच्यासह भाजप मंडळ पदाधिकारी उपस्थित राहणार आहेत.

रविवारी जाहीरनामा

दरम्यान, राजेश पाटणेकर (Rajesh Patnekar) यांच्या निवडणूक (Election) जाहीरनाम्याचे येत्या रविवारी प्रकाशन करण्यात येणार आहे. सकाळी 11 वा. डिचोलीतील भाजप कार्यालयात हा कार्यक्रम होणार आहे.