वास्को : मुरगाव (Margao) मतदार संघातील प्रभाग 5 मध्ये पदपथ तसेच पायर्‍यांच्या कामाचा शुभारंभ मुरगाव पालिका नगराध्यक्ष दामोदर कासकर (Mayor Damodar Kaskar) यांच्या हस्ते करण्यात आला. मुरगाव मतदार संघातील प्रभाग क्रमांक 1 ते 9 मध्ये विकासकामांचा दबदबा स्थानिक आमदार तथा मंत्री मिलिंद नाईक (Milind Naik) यांच्या सहकार्याने चालू असून, प्रत्येक प्रभागाचे नगरसेवक आपल्या प्रभागात विकास कामात जुटलेले आहे. प्रभाग क्रमांक 5 चे नगरसेवक दामोदर नाईक यांनी आपल्या प्रभागातील सुमारे साडेसहा लाख खर्चून बांधण्यात येणाऱ्या पदपथ तसेच पायर्‍यांच्या कामाचा शुभारंभ मुरगाव नगरपालिका नगराध्यक्ष दामोदर कासकर यांच्या हस्ते करण्यात आला.

यावेळी त्यांच्यासमवेत स्थानिक नगरसेवक दामोदर नाईक, नगरसेविका श्रीमती मंजुषा पिळणकर, कुणाली मांद्रेकर, मुरगाव भाजपा अध्यक्ष संजय सातार्डेकर इतर कार्यकर्ते व स्थानिक रहिवासी मोठ्या संख्येने उपस्थित होते. रूमडावाडा येथे सदर कामाचा शुभारंभ नगराध्यक्ष दामोदर कासकर यांच्या हस्ते श्रीफळ वाढवून करण्यात आले. रूमडावाडा येथे प्रभाग 5 मध्ये पदपथ तसेच पायर्‍यांच्या कामाचा शुभारंभ प्रसंगी नगराध्यक्ष दामोदर कासकर स्थानिक नगरसेवक दामोदर नाईक, मंजुषा पिळणकर, संजय सातार्डेकर व इतर.