Dengue Cases Rise in Calangute: राज्यात ठिकठिकाणी डेंग्यूचे रुग्ण वाढत आहेत. सुरुवातीला कळंगुट किनारी भागात असलेले रुग्ण आता राज्यभर पसरले आहेत.

कळंगुटमध्ये रुग्णांची वाढती संख्या लक्षात घेता पंचायतीने मोफत डेंग्यू चाचणी घेण्यास सुरुवात केली. तसेच संसर्ग वाढू नये यासाठी नागरिकांना खबरदारीची उपाययोजना करण्याचे आवाहन केले होते.

मात्र तरीही कळंगुटमध्ये रुग्णांची संख्या वाढतच आहे. 1 सप्टेंबरपासून इथे तब्बल 115 जणांना बाधा झाल्याचे समोर आले आहे. महिन्याभरापूर्वी डेंग्यूमुळे एका महिलेचा मृत्यू झाला होता.

यानंतर पंचायतीने यासाठी प्रतिबंधात्मक उपाययोजना करण्याचे आवाहन आमदार मायकल लोबोंनी केले होते.

राज्यात आत्तापर्यंत डेंग्‍यूचे तब्‍बल 11010 संशयित रुग्‍ण सापडल्‍याने खळबळ माजली आहे. सध्या डेंग्यूने डोके वर काढले असून जनतेत घबराट पसरली आहे. कांदोळी, मुरगाव, चिंबल बरोबर राज्यभर रुग्ण सापडत असल्याने लोकांनी सावधगिरी बाळगून आपल्‍याबरोबर इतरांचेही आरोग्‍य जपायला हवे.