Fraud Case: ओएनजीसी या भारत सरकारच्‍या आस्‍थापनात नोकरी देतो, असे सांगून एका भामट्याने मोरपिर्ला-केपे येथील एका युवकाला फसविले. याप्रकरणी पोलिस तक्रार केली आहे.
प्राप्‍त माहितीनुसार, कणिबाग-मोरपिर्ला येथील केवल गावकर नावाच्‍या युवकाने गोव्‍यातील एका वर्तमानपत्रात आलेल्‍या जाहिरातीच्‍या अनुषंगाने ओएनजीसीतील एका पदासाठी अर्ज केला.
या जाहिरातीत संपर्क क्रमांक दिला होता. या क्रमांकावर संपर्क केल्‍यानंतर या युवकाला गणवेशासाठी म्‍हणून ५,७५० रुपये जमा करण्‍यास कळविले.
ही रक्‍कम या युवकाने गुगल पे मार्फत पुरवली. त्‍यानंतर प्रशिक्षणासाठी म्‍हणून १३,५०० रुपये भरण्‍यासाठी या युवकाला फोन आला तेव्‍हा हा युवक सावध झाला व त्‍याने बेतुल येथील ओएनजीसीच्‍या एका अधिकाऱ्याकडे विचारणा केली.
तेव्‍हा हा बनवाबनवीचा प्रकार असल्‍याचे आढळून आले. त्‍यानंतर या युवकाने कुंकळ्‍ळी पोलिसांकडे तक्रार दाखल केली. पुढील तपास कुंकळ्‍ळी पोलिस करीत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.