Anjuna: उत्तर गोव्यातून एक धक्कादायक बातमी समोर आली आहे. हणजूण गावाला पाणी पुरवठा करणाऱ्या पाईप लाईनमध्ये मृत उंदीर, चप्पल, कचरा आणि प्लास्टिकच्या पिशव्या आढळून आल्या आहेत. पाणी पुरवठा करणाऱ्या मुख्य लाईनमध्ये अशा प्रकारचा कचरा आढळून आल्याने नागिकांनी संताप व्यक्त केला आहे.

हणजूण गावाला पाणी पुरवठा करणाऱ्या पाईप लाईनची सफाई सुरु होती. सफाई करत असताना पाईप लाईनमधून मृत उंदीर, चप्पल, कचरा तसेच, प्लास्टीकच्या पिशव्या आढळून आल्या आहेत. सार्वजनिक बांधकाम खात्याच्या मुख्य जलवाहिनीत अशा प्रकारे कचरा आढळून आल्याने नागरिकांनी संताप व्यक्त केला आहे.

सार्वजनिक बांधकाम खात्याच्या जलवाहिनीत अशाप्रकारे कचरा साठून राहल्याने एकप्रकारे नागरिकांच्या आरोग्याशी खेळण्याचा प्रयत्न केला जात असल्याचा आरोप स्थानिकांनी केला. पाणी पुरवठा करणाऱ्या जलवाहिनीत मृत उंदीर तसेच कचरा सापडणे धक्कादायक असल्याचे मत स्थानिकांनी व्यक्त केले.

आठ दिवसांचा अल्टिमेट्म

हणजूण गावाचा पाणी पुरवठा आठ दिवसांत सुरळीत न केल्यास हणजूण वागातोर गाव बंद ठेवण्याचा इशारा स्थानिकांनी दिला आहे. दरम्यान, पाणी पुरवठा सुरळीत करण्यासाठी जलवाहिनी साफ करण्याचे काम युद्ध पातळीवर सुरु आहे.