Dead Body Found in Mandovi River

राज्यात अपघातांची मालिका सुरूच असून यामध्ये मृतांचा आकडाही दिवसेंदिवस वाढत आहे. काल (ता. 22) जुन्या मांडवी पुलावर एका रेंट-अ-कारच्या धडकेत दुचाकी पुलावरून खाली कोसळली. तेव्हापासून दुचाकी चालक जावेद सडेकर (38, हळदोणे) याचा शोध सुरू आहे. यातच आज मांडवीत एक मृतदेह तरंगताना आढळून आला

सुरुवातीला सदर मृतदेह जावेदचाच असल्याचा अंदाज व्यक्त करण्यात आला. मात्र सविस्तर तपासानंतर तो मृतदेह मालिम जेटीवर काम करणाऱ्या एका मजुराचा असल्याचे उघड झाले. सुरजीत सहाय असे मृत मजुराचे नाव आहे. हा मजूर मागील तीन दिवसांपासून बेपत्ता असल्याचे सांगण्यात येत आहे.

त्यामुळे हा मृतदेह काल झालेल्या अपघातानंतर शोध सुरू असलेल्या जावेदचा नसल्याचे स्पष्ट झाले आहे.

रात्री उशिरापर्यंत शोधकार्य सुरू होते

मांडवी पुलावरील अपघात कारचालक ओव्हरटेक करत असताना घडला. नदीत बुडालेल्या तरुणाचा थांगपत्ता रात्री उशिरापर्यंत लागला नव्हता. किनारपट्टी पोलिस, तटरक्षक दल, दृष्टी जीवरक्षक आणि पाणबुड्यांच्या मदतीने शोधकार्य सुरू होते. पोलिसांनी कारचालक ओडिशा येथील पर्यटक अंकित त्रिपाठी (३०) याला ताब्यात घेतले आहे. एखाद्या चित्रपटातील घटनेप्रमाणे ही घटना घडल्याची