Goa Crime: उत्तर गोव्यातील वागातोर किनाऱ्यावर सेल्फी घेण्याच्या नादात उत्तर प्रदेशमधील एक पर्यटक तरूण बुडाला होता. त्याचा मृतदेह आज, सोमवारी आढळून आला. समुद्राच्या लाटांसोबत मृतदेह किनाऱ्यावर आला.

अर्जुन कुमार (वय 22) असे या मृताचे नाव असून तो मूळचा गोरखपूर, उत्तर प्रदेशचा रहिवासी होता. रविवारी दुपारी अडीच ते तीन वाजण्याच्या सुमारास ही घटना घडली होती. अर्जून हा त्याचा मेहुणा बलिंदर कुमार आणि मित्रांसोबत स्मॉल वागातोर किनाऱ्यावर आला होता.

समुद्र खवळलेला असल्याने जीवरक्षकांनी वारंवार या तिघांनाही खडकावरून उतरण्यास सांगितले होते. पण या तिघांनीही जीवरक्षकांच्या सुचनांकडे दुर्लक्ष केले. त्यानंतर मोठी लाट आली आणि अर्जून त्या लाटेसोबत वाहून गेला.

त्यानंतर जीवरक्षक, अग्निशमन दलाच्या जवानांनी त्याचा शोध घेतला पण तो आढळून आला नाही. रात्री उशिरापर्यंत त्याता काहीही थांगपत्ता लागला नव्हता. अर्जून मे महिन्यात गोव्यात कामासाठी आला होता. तो फॅब्रिकेशनचे काम करत होता.