गोवा आणि कर्नाटकच्या सीमेवर स्थित, दूधसागर धबधब्यात (Dudh Sagar Waterfall) 05 सप्टेंबर रोजी एक पर्यटक बुडाल्याची माहिती समोर आली. अनेक दिवसांपासून या बेपत्ता तरूणाचा तपास पोलिस आणि बचाव पथकाच्या माध्यमातून सुरू होता. अखेर तब्बल 17 दिवसानंतर नदीत बुडालेल्या या पर्यटकाचा मृतदेह कुळे पोलिसांना सापडला आहे.

अर्पीत शुक्ला (रा. भोपाळ) असे या बेपत्ता तरूणाचे नाव आहे. अर्पीत शुक्लाचा मृतदेह कुळे पोलिसांना सोपविण्यात आला असून, मृतदेह घेऊन कुटुंबीय भोपाळला रवाना झाले आहेत.

दूधसागर नदीमध्ये बुडालेल्या अर्पित शुक्ला याच्या मृतदेहाची गोमेकॉत उत्तरीय तपासणी करण्यात आली. त्यानंतर मृतदेह कुटुंबीयांच्या स्वाधीन करण्यात आला. पोलिस सूत्रांनी दिलेल्या माहितीनुसार, 05 सप्टेंबर रोजी अर्पित शुक्ला दूधसागर नदीत बुडाला होता. त्याचा मृतदेह 22 रोजी मिळाला. आज शवचिकित्सा झाल्यानंतर त्याचे कुटुंबीय मृतदेह भोपाळला विमानाने घेऊन गेले आहेत. अशी माहिती पोलिस उपनिरीक्षक अजय धुरी यांनी दिली.