फातोर्डा: करमणे येथे कनर्ल सिंग हा इसम मृतावस्थेत सापडला. कोलवा पोलिसांनी या प्रकरणाची अनैसर्गिक मृत्यू अशी नोंद केली आहे. घटनेची पोलिसांना माहिती मिळताच त्याला दक्षिण गोवा जिल्हाधिकारी हॉस्पिटलमध्ये दाखल करण्यात आले होते. यावेळी तेथे तैनात असलेल्या डॉक्टरांनी त्याला मृत घोषित केले. मयताची ओळख पटली असली तरी त्याचा गाव व इतर माहिती मिळू शकली नाही.

अवैध दारू बाळगली; दोघे अटकेत

मडगाव कोकण रेल्वे स्थानकावर बेकायदा दारू बाळगल्याप्रकरणी कोकण रेल्वे पोलिसांनी उत्तरप्रदेश येथील दोन युवकांवर गुन्हा दाखल केला आहे. आज सायंकाळी 4.10 वाजता रेल्वे प्लॅटफॉर्म क्रमांक 4 वर पोलिस कॉन्स्टेबल विराज नाईक देसाई टेहाळणी करीत असताना दोन युवकांना हटकले आणि त्यांच्या बॅगची तपासणी केली असता आतमध्‍ये 245 दारूच्‍या बाटल्‍या सापडल्या. पोलिसांनी जप्त केलेल्‍या या सर्व बाटल्या नंतर अबकारी खात्याकडे सुपूर्द करण्यात आल्या. संशयितांची नावे राजन रावत व ए. रावत अशी आहेत.