जूनमध्ये जरा उशिराच सुरू झालेल्या पावसाने जुलैमध्ये थैमान घालायला सुरुवात केली आहे. यामुळे राजधानी पणजीसह इतर शहरांमध्येही रस्ते तुंबण्याच्या तसेच ठिकठिकाणी पडझडीच्या घटना वाढल्या आहेत. मागील 24 तासात राज्यभरात कुठे किती पाऊस झाला याची माहिती हवामान खाते देत असते.

24 तासात कुठे, किती पाऊस?

• म्हापसा : 28 मिमी

• पेडणे : 53.8 मिमी

• फोंडा : 45 मिमी

• पणजी : 17.4 मिमी

• वेल्हा : 35.9 मिमी

• साखळी : 44.2 मिमी

• वाळपाई : 69.5 मिमी

• काणकोण : 78.2 मिमी

• दाबोळी : 12.6 मिमी

• मडगाव : 28 मिमी

• मुरगाव : 18.3 मिमी

• केपे : 40.2 मिमी

• सांगे : 39 मिमी

हवामान खात्याने दिलेल्या माहितीनुसार, पुढील 3 दिवसात संततधार सुरूच राहणार असली तरी पावसाचा जोर कमी असण्याची शक्यता आहे.

दरम्यान, पावसामुळे होणाऱ्या पडझडीच्या घटना मात्र सुरूच आहे. मुसळधार पावसामुळे शनिवारी चार ठिकाणी झाड कोसळल्याच्या घटना घडल्याची नोंद मडगाव अग्निशमन केंद्रात झाल्याची माहिती मडगाव अग्निशमन केंद्राचे अधिकारी हर्क्युलानो गिल सोझा यांनी दिली.