वास्को: रशियातील येकातेरिनबर्ग येथून १६२ विदेशी पर्यटकांना घेऊन आलेले २०२६-२७ पर्यटन हंगामातील पहिले चार्टर विमान बुधवारी दाबोळी आंतरराष्ट्रीय विमानतळावर दाखल झाले. या विमानाच्या आगमनाने गोव्यातील आंतरराष्ट्रीय पर्यटन हंगामाला अधिकृत सुरुवात झाली.

विमानतळावर पर्यटकांचे पारंपरिक पद्धतीने स्वागत करण्यात आले. यावेळी शिष्टाचार व वाहतूकमंत्री माविन गुदिन्हो, दाबोळी आंतरराष्ट्रीय विमानतळाचे अधिकारी आकाश दीप यांच्यासह अन्य मान्यवर उपस्थित होते.

जागतिक पातळीवरील घडामोडींच्या पार्श्वभूमीवर गोवा हे देशी तसेच विदेशी पर्यटकांसाठी सुरक्षित पर्यटनस्थळ आहे. पर्यटकांना चांगल्या सुविधा देण्यासाठी तयारी सुरू आहे. वाढत्या पर्यटक संख्येच्या पार्श्वभूमीवर कायदा व सुव्यवस्था राखण्यासाठी पोलिस यंत्रणाही सज्ज होत आहे.”

- माविन गुदिन्हो, शिष्टाचार व वाहतूकमंत्री