गोव्यात (Goa) कोरोनाच्या पार्श्वभूमीवरती (Covid19) मार्च पासून लागू केलेला संचारबंदी (Curfew) दर पंधरा दिवसांनी वाढवण्यात येत आहे. आता ही संचारबंदी 30 ऑगस्ट पर्यंत वाढवण्यात आली असून पहिल्यांदा 50% आसन क्षमतेवर चित्रपटगृह खुली केली आहेत.

त्यामुळे सिनेमा हॉल मालक संघटनेला दिलासा मिळाला असून आता रसिकांना प्रत्यक्ष थिएटरमध्ये जाऊन सिनेमा पाहतात येणार आहे .मात्र अन्य प्रकारची एसओपी - कार्यप्रणाली कायम असून कॅसिनो, समाजिक सभागृह, स्पा मसाज सेंटर, वॉटर स्पोर्ट्स यांच्या वरची बंदी कायम असून शाळा आणि महाविद्यालय बंदच राहणार आहेत. केरळ मधून येणाऱ्या सर्व प्रवाशांना rt-pcr टेस्ट अनिवार्य केली असून अन्य राज्यातून गोव्यात येणाऱ्या प्रवाशांना आणि पर्यटकांना अन्य निगेटिव्ह चाचणी सक्तीची आहे.