Crocodile Caught in Baina: मागील काही महिन्यांमध्ये लोकवस्तीत मगरींचा संचार वाढला असल्याच्या अनेक घटना समोर आल्या आहेत. बायणामध्येही अशीच एक घटना समोर आली आहे.

वनविभागाने बायणा रहिवासी भागात फिरणाऱ्या मगरीला पकडले. काही दिवसांपूर्वी इथले स्थानिक चंदन गड यांना जवळच्या तलावात मगर दिसली होती. त्यानंतर त्यांनी वनविभागाकडे सापळा लावण्यासाठी मागणीही केली होती.

मात्र सापळा लावूनही मगर पकडली गेली नव्हती. दरम्यान आज पहाटे 4 वाजताच्या सुमारास मगर तलावातून बाहेर आली. मगर दिसताच चंदन यांनी तात्काळ वनविभागाला माहिती दिली. त्यानंतर वन विभागाच्या अधिकाऱ्यांनी मगरीला पकडले.

दरम्यान, शिरसईमध्येही नागरिकांना मगरीचे दर्शन झाले आहे. गणपती विसर्जनस्थळी मगरीचे पिल्लू खुलेपणाने फिरताना आढळून आल्याने परिसरात भीतीचे वातावरण आहे.

याबाबत स्थानिकांनी एक व्हिडिओ चित्रित केला असून, शिरसई येथील लोकांनी विशेष काळजी घेण्याचे आवहन करण्यात आले आहे.