वेळसाव येथे तळे वजा शेतात मगरीचे दर्शन झाल्याने येथील शेतकऱ्यात भितीचे वातावरण पसरले आहे. मगरीला पकडण्यासाठी वन विभागाला पाचारण करण्यात आले, मात्र मगर खोल पाण्यात गेल्याने ते हाती लागले नाही.

गुरुवारी सकाळी १०.३० वाजता तळे वजा शेतात ही मगर दिसून आली. सद्या या भागात पेरणीचे काम सुरू आहे, त्यामुळे लोकांत भितीचे वातावरण पसरले. याबाबत वन विभागाला माहिती दिल्यानंतर वन कर्मचारी तेथे आले. तोवर मगर (Crocodile) खोल पाण्यात गेल्याने तिला पकडता आले नाही. दरम्यान, वन विभागाचे या मगरीच्या मागावर असून लवकरच तिला पकडले जाईल असा विश्वास कर्मचाऱ्यांनी व्यक्त केला.