Crime: ओळखपत्र (Identity card) नसल्याने तसेच कोविड (Covid-19) चाचणी प्रमाणपत्र नसल्याने कॅसिनोत प्रवेश करण्यास निर्बंध केल्याने सुरक्षा रक्षकाला मारहाण करून कॅसिनोची तोडफोड केल्याच्या आरोपाखाली कोलवा पोलिसांनी चारजणांना अटक केली.

ही घटना शुक्रवारी मध्यरात्री दोनच्या सुमारास वार्का येथील झुरी हॉटेलमधील कॅसिनोत (Casino) घडली. पहाटेच्या वेळी चौघेजण तेथे आले असता सुरक्षा रक्षक राजेंद्र पाल याने त्यांना अडवून ओळखपत्र मागितले. यावेळी संतापलेल्या युवकांनी त्याला जबर मारहाण केली आणि कॅसिनोच्या काचा फोडून सुमारे २ लाख रुपयांचे नुकसान केले.याप्रकरणी पोलिसांनी व्हेनान्सियो परेरा (40), विल्यम डायस (36), सायमन डायस (36) आणि जोसेफ फर्नांडिस (28) या चारजणांना अटक केली.