कळंगुट: गुन्हा अन्वेषण विभागाच्या क्राईम ब्रांचने काल रात्री कळंगुट येथे छापा टाकून संशयित अक्षय बाणावलीकर व संशयित सिग्मंड तेलीस या दोघा स्थानिकांना अटक करून त्यांच्याकडून तीन लाख 50 हजार रुपयांचा अमली पदार्थ जप्त केला.

(Crime branch raid in Calangute seized drugs worth Rs 3 lakh 50 thousand )

मुख्यमंत्र्यांच्या घोषणा कागदावरच

गेल्या काही दिवसात राज्याचे मुख्यमंत्री प्रमोद सावंत यांनी गोवा राज्यात अमली पदार्थ विरोधात धडक मोहिम राबवली जाणार आहे. यापूढे अमली पदार्थ विक्री करणारे अन् अवैधरित्या बाळगणाऱ्यांची ही गय केली जाणार नाही. अशी घोषणा केली होती. मात्र मुख्यमंत्र्यांची ही घोषणा कागदावरच राहिली आहे का? असा प्रश्न नागरिक विचारु लागले आहेत. कारण अमली पदार्थांवर आळा घालणे गरजेचे असताना असे गुन्हे दररोज घडताना दिसत आहेत. या पार्श्वभूमीवर हणजूण पोलिसांनी मेथाम्फेटामाईन व गांजा बाळगल्याप्रकरणी एकाला ताब्यात घेतले आहे.