Karmal Ghat : काणकोणमधील करमल घाट विभागातील क्रॅश बॅरिअर्सची स्थिती खराब झाली आहे. हे बॅरिअर्स एकतर तुटले आहेत किंवा अपघातांमुळे खराब झाले आहेत. त्यामुळे आता NH 66 वरील तीव्र उतार आणि तीक्ष्ण, अरुंद वळण असलेला रस्ता वाहनचालकांसाठी धोकादायक बनला आहे, असे प्रवाशांनी सांगितले.

असे असतानाही दुरुस्तीचे काम झालेले नाही, असे श्रीस्थल पंचायतीचे माजी सरपंच प्रशांत देसाई यांनी सांगितले. नुकसान झालेले क्रॅश बॅरिअर्स हे वाहनचालकांसाठी धोकादायक बनले आहेत; कारण घाटावर वाहन चालवताना थोडीशी चूकही तरी गाडी दरीत जाऊ शकते. ही अत्यंत गंभीर बाब आहे.

गेल्या चार ते सहा महिन्यांत क्रॅश बॅरिअर्स खराब झाल्याने अपघाताचा धोका वाढला आहे. विभागाने वन प्राधिकरणाला या भागात दुरुस्तीसाठी आवश्यक जमीन देण्याचे पत्र लिहिले आहे जेणेकरून संरक्षण/संधारण भिंत बांधता येईल. यामुळे त्यांना हा रस्ता दुरुस्त करता येईल आणि नवीन क्रॅश बॅरियर्स देखील उभारता येतील.

पाडी ते पोळे हा करमल घाट विभाग काणकोण पोलीस ठाण्यापासून पाच किलोमीटर आणि कुंकळ्ळी पोलीस ठाण्यापासून 18 किलोमीटर अंतरावर आहे. या सगळ्यामुळे गेल्या नऊ महिन्यांत काणकोण बाजूला आठ ते दहा अपघात झाले आहेत.

यामुळे नागरिकांनी हे बॅरिअर्सलवकरात लवकर दुरुस्त करण्याची मागणी केली आहे.