Goa Crime : आठ महिन्यांच्या बाळाला विकण्याचा प्रयत्न केल्याची घटना राज्यात उघडकीस आली आहे. ही घटना मडगाव रेल्वे स्थानकावर उघडकीस आली. याप्रकरणी पोलीसांनी बाळाच्या वडिलाला अटक केली आहे. तर आईसह अन्य तिघांवर गुन्हा नोंद केला आहे.

कोकण रेल्वे पोलीस स्थानकाचे निरिक्षक सचिन पन्हाळकर यांनी दिलेल्या माहितीनुसार बेल्लारी येथील हे दांपत्य काल आपल्या बाळाला घेऊन मडगाव रेल्वे स्थानकावर आले होते. वास्को येथील एका कंत्रादारांने हे बाळ विकत घेण्याचा प्रयत्न केला होता. यात एका मध्यस्थाचाही हात असल्याची माहिती त्यांनी दिली.

बाळाच्या आईला वारंवार मिरगीचे झटके येत असत. त्यामुळे लहान बाळाला सांभाळणे अशक्य झाले. त्यामुळे बेल्लारी येथील या दांपत्याने आपल्या आठ महिन्याच्या बाळाला विकण्याचा प्रयत्न केला.

बाळ विकण्याच्या रकमेवरून दांपत्य व मध्यस्थ यांच्यामध्ये वाद झाला. त्याच वेळी तिथून जात असलेल्या एका पोलिसाच्या कानी हा वाद पडला. लहान बाळाला विकणे हा कायद्याने गुन्हा असल्याने त्या चारही जणावर मानवी तस्करीचा गुन्हा नोंद करण्यात आला आहे.