मतदान करून परतणाऱ्या दाम्पत्याच्या अंगावर वडाचे झाड कोसळल्याची घटना घडली आहे. दाम्पत्य दुचाकीवरून घरी जात असताना शिरवाडा-शिरोडा येथे आज सायंकाळच्या सुमारास ही घटना घडली. या अपघातात दोघेही जखमी झाले असून, त्यांना उपचारासाठी रूग्णालयात दाखल करण्यात आले आहे. अग्निशमन दालाच्या मदतीने झाड रस्त्यातून बाजूला हटविण्याचे काम सुरू आहे. अशी माहिती समोर आली आहे.

गोव्यातील 186 पंचायतीसाठी आज मतदान पार पडले. मोठ्या प्रमाणावर नागरिक मतदानाचा हक्क बजाविण्यासाठी घराबाहेर पडले. सायंकाळी चार वाजेपर्यंत 70 टक्के मतदान झाले. कळंगुट येथील एका प्रभागासाठी उद्या मतदान होणार असून, येत्या 12 ऑगस्ट रोजी मतमोजणी होणार आहे.

राज्यात सायंकाळी चार वाजेपर्यंत 70 टक्के मतदान

• धारबांदोडा : 81.46%

• केपे : 79.00%

• मुरगाव : 66.17%

• डिचोली : 82.44%

• बार्देश : 72.05%

• सत्तरी : 84.75

• सासष्टी : 64.15%

• काणकोण : 77.53%