Goa: कोरोना महामारीच्या (Corona Epidemic) काळात सर्वत्र हाहाकार माजला होता, अश्या कठीण समयी ज्यांना कोरोनाची लागण झाली, त्याचे नातेवाईकही त्यांच्यापासून दूर राहायचे मात्र वैद्यकीय क्षेत्रातील डॉक्टर, नर्स कर्मचारी हे मात्र ईश्वराच्या रुपात रुग्णांची सेवा करून त्याना जीवदान देत होते, अश्या कोरोना योध्यांचा सन्मान म्हणजे डॉक्टरांचा देवाच्या रुपात केलेला सन्मान असल्याचे उद्योजक बाबी बागकर यांनी बागवाडा मोरजी (Morjim) येथे सार्वजनिक श्री दुर्गा समिती मोरजी तर्फे वैद्यकीय क्षेत्रात कार्यरत असलेल्या डॉक्टर, नर्स व इतर कर्मचाऱ्यांचा 'कोरोना योद्धा' (Corona Worrier) म्हणून गौरव केल्यानंतर बोलत होते.

यावेळी जिल्हा पंचायत सदस्य सतीश शेटगावकर, पंच प्रकाश शिरोडकर, स्वप्नील शेटगावकर, नागनाथ केरकर, श्रुती केरकर, बिंदिया बागकर, डॉक्टर सोना मयेकर, दर जोजफ फर्नांडीस , डॉक्टर रुपाली फर्नांडीस, डॉक्टर अमिता रेडकर, राजेश कासकर, सुभाष केरकर, सुदेश भोसले, वासुदेव केरकर भावेश्री बागकर, मीरा पोके, वनिता केरकर ,बिंदिया बागकर, सुधीर कान्नायिक , सतीश च्यारी. आदी उपस्थित होते. कोरोना काळात महत्वाचे योगदान दिलेल्या डॉक्टर जोजफ फर्नांडीस, डॉक्टर रुपाली फर्नांडीस, डॉक्टर अमिता रेडकर, डॉक्टर सोना मयेकर, आदींचा पाहुण्याच्या हस्ते पुष्प व स्मृतिचिन्ह देवून गौरव करण्यात आला. स्वागत प्रास्ताविक आणि सूत्रसंचालन सतीश च्यारी यांनी केले.

उद्योजक बाबी बागकर यांनी पुढे बोलताना दुर्गा उत्सव समितीचे कार्य उल्लेखनीय आहे, कोरोना काळातही मोठ्या प्रमाणात सामाजिक बांधिलकी ठेवून कार्य केलेले आहे ते विसरता येणार नाही. हल्लीच मोठ्या प्रमाणात वादळ येवून मोरजी पाच दिवस अंधारात होती, त्यावेळी वीज खात्याच्या कर्मचार्यांनी युद्ध पातळीवर काम करून सत्कार सोहळा त्यांचा आयोजित केला होता, आता कोरना योद्धे म्हणून वैद्यकीय क्षेत्रातील डॉक्टर, नर्स आणि कर्मचारी यांचा गौरव करून आणखी एक आदर्श घालून दिल्याचे सांगितले. मोरजी जिल्हा पंचायत सदस्य सतीश शेटगावकर यांनी बोलताना मोरजीतील सर्वांनी हाउत्सव आपलाच मानून एका ठिकाणी येवून तो उत्साहात साजरा करावा असे आवाहन केले.