पणजी : देशभरात कोविड-19 प्रकरणांची वाढती संख्या लक्षात घेता गोवा सरकारने होळी, शब-ए-बारात, इस्टर आणि ईदच्या उत्सवापूर्वी कलम 144 लागू केली आहे.

शुक्रवारी उत्तर गोव्याचे जिल्हाधिकारी अजित रॉय यांच्या आदेशानुसार आगामी उत्सवा दरम्यान सार्वजनिक उत्सव, मेळावे करण्यास मनाई केली जाईल. "गुन्हेगारी प्रक्रिया संहिता, सार्वजनिक उत्सव आणि मेळावे, कलम 144 च्या कलम पोट कलम 1 अन्वये निहित शक्तीचा प्रयोग करताना होळी, शब-ए-बारात, ईस्टर आणि ईद-उल-फितर इत्यादी उत्सवांना गोवा राज्यात सार्वजनिक ठिकाणी परवानगी दिली जाणार नाही," असे आदेशात म्हटले आहे.

या आदेशाचा भंग करणार्‍या व्यक्तीस भारतीय दंड संहितेच्या कलम 188 अन्वये दंडनीय ठरवले जाणार आहे. सोमवारी होळी, 4 एप्रिल रोजी इस्टर  आणि रविवारी शब-ए-बारात उत्सव साजरे करतो येणार नाही.

गोवा सरकारने यापूर्वी जाहीर केले की कोविड19 प्रकरणांमध्ये वाढ झाल्यामुळे राज्यात शिग्मो उत्सव परेड यंदा रद्द करण्यात आली आहे. अशीच पावले उचलण्यासाठी इतर राज्ये आणि केंद्रशासित प्रदेशांमध्ये दिल्ली, मध्य प्रदेश आणि बिहार यांचा समावेश आहे.

गेल्या काही आठवड्यांपासून, देशात कोरोनाव्हायरसच्या घटनांमध्ये वाढ होत आहे. गेल्या 24 तासांत तब्बल 62,258 नवीन रुग्णांची नोंद झाली असल्याची माहिती केंद्रीय आरोग्य मंत्रालयाने शनिवारी दिली.

राज्याच्या आरोग्य विभागाच्या म्हणण्यानुसार गोव्यात सध्या  1,379 सक्रिय रुग्ण आढळून आले आहेत, गेल्या 2 तासांत 170 लोकांना कोरोनाची लागण झाली आहे. राज्यात एकूण मृतांचा आकडा 824 आहे.