काणकोण: चावडी येथे पांच दिवसांपासून सुरू झालेला कन्झुमर मेळावा प्रदर्शनाचा मंडप रात्रभर पडलेल्या पावसामुळे जमिनदोस्त झाला.मंडप कोसळल्यामुळे या प्रदर्शन मालकाची लाखो रूपयांची नुकसानी झाली. मंडप गोलाकार आकारात उभारण्यात आला होता.त्याला लोखंडी पाईपचा आधार होता. मंडप कोसळल्याने मंडपात असलेल्या किती कर्मचाऱ्यांना दुखापत झाली हे कळू शकले नाही. ज्या जागेत हे प्रदर्शन भरले आहे त्या जागेच्या प्रवेशद्वाराला या घटनेनंतर कुलूप लावण्यात आले आहे.काही वर्षांपूर्वी एका कन्झुमर मेळाव्याचा मंडप असाच जमिनदोस्त झाला होता.