वास्को: गोवा मुक्तीनंतर 20 डिसेंबर 1961 रोजी गोवा पोलीस स्थापना दिवस साजरा करण्यात आला. दरवर्षी गोवा पोलीस (Goa Police) स्थापना दिन उत्कृष्ट सेवा बजावलेल्या पोलिस कर्मचाऱ्यांचा राज्य पोलीस महासंचालका तर्फे गौरवण्यात येते. यंदा राज्य गृह विभागामार्फत राज्यातील विविध पोलीस स्थानकातील पोलिस, शिपाई, हवालदार व इतर कर्मचाऱ्यांचा गौरव करण्यात आला. पणजी (Panaji) येथील पोलीस मुख्यालयात पोलीस महासंचालक श्री इंद्रदेव शुक्ला यांच्या हस्ते मुरगांव पोलीस स्थानकाचे हवालदार तथा मास्टर अजित अनंत परब यांचा प्रशस्तीपत्र देऊन गौरव करण्यात आला.

वास्को मुंडवेल येथील सामान्य परिवारातील पोलीस (Police) हवालदार अजित परब यांनी आपल्या कारकीर्दीत राज्यातील विविध पोलीस स्थानकात (Police Station) चांगली सेवा प्रदान केलेली आहे. पोलीस स्थानकातील वरिष्ठ अधिकाऱ्यांच्या मार्गदर्शनाखाली त्याने आपले कार्य उचित करून अनेक प्रकरणांत छडा लावण्यात पोलीस निरीक्षकांना सहकार्य केले आहे. हवालदार अजित परब उच्चशिक्षित असला तरी त्याने आपली सेवा सामान्य जनतेपर्यंत पोहोचविली आहे. गोवा मुक्ती दिनाच्या (Goa Liberation Day) दुसऱ्या दिवशी राज्याचे पोलीस महासंचालकांनी त्यांना पोलिस सेवेत उत्कृष्ट सेवा बजावल्याबद्दल प्रशस्तीपत्र भेटवून गौरविण्यात आले. याबद्दल त्यांचे सर्वथरातून अभिनंदन होत आहे.