Mickky Pacheco: उमेदवारी न मिळाल्यानेही अनेक राजकीय नेते आपल्या पक्षाला रामराम करत आहे. यातच कॉंग्रेस नेते मिकी पाशेको (Mickky Pacheco) यांना कॉंग्रेसने (Congres) उमेदवारी नाकारल्यामुळे त्यांनी पक्षाला राजीनामा दिला होता. त्यांनी आज राष्ट्रवादीत प्रवेश केल्याचे समोर येत आहे. (Mickky Pacheco joins NCP latest news updates)

कॉंग्रेसने दोन याद्या जाहीर केल्यावर पाशेको यांना आपल्याला उमेदवारी मिळणार नसल्याची शंका आली होती. त्यावेळीच त्यांनी आपली बाजू स्पष्ट केली होती. ते म्हणाले होते की, 'आपल्याला उमेदवारी मिळावी म्हणून मी पक्ष श्रेष्ठीवर दबाव टाकणार नाही. शिवाय उमेदवारी दिली नाही म्हणून मी मागे हटणाऱ्यापैकी नाही. काँग्रेसने (Congress) उमेदवारी नाकारल्यास माझ्यापुढे अनेक पर्याय आहेत. योग्य वेळी मी माझी भूमिका उघड करणार आहे, असे मिकी पाशेको यांनी घेतलेल्या पत्रकार परिषदेत सांगितले होते. त्यामुळे नाराज झालेले पाशेको यांनी राष्ट्रवादीत प्रवेश केला आहे. आता कॉंग्रेसला याचा काही फरक पडणार आहे का ही त्यांच्या भूमिकेवरूनच स्पष्ट होणार आहे.