पणजी- काँग्रेसचे प्रदेश अल्पसंख्याक विभागाचे प्रमुख उर्फान मुल्ला यांची काँग्रेसमधून हाकालपट्टी करण्यात आली आहे. दोन दिवसांपूर्वी त्यांनी नेत्यांवर जाहीर आरोप केले होते. त्या वक्तव्याची दखल घेत पक्षातून काढून टाकण्यात येत असल्याचे प्रदेशाध्यक्ष गिरीश चोडणकर यांनी पत्रात म्हटले आहे.

 काल काँग्रेसच्या केंद्रीय नेतृत्वावरही अश्याच पद्धतीची टीका केंद्रीय नेते आणि जेष्ठ वकील कपिल सिब्बल यांनी केली होती. बिहारमध्ये पक्षाला पराभवाला सामोरे जावे लागल्यानंतर केंद्रीय नेतृत्वावर त्यांनी प्रश्नचिन्ह उभे केले होते. नाव न घेता त्यांनी राहूल गांधी यांच्यावर टीका केली होती.