कॉंग्रेसने (Congress) गोवा विधानसभेच्या आगामी निवडणुकीसाठी (Goa Assembly Elections) वरिष्ठ निरीक्षक आणि समन्वयक म्हणून माजी केंद्रीय अर्थमंत्री पी चिदंबरम (P Chidambaram) यांची आज नियुक्ती केली. स्थानिक पक्षांशी कॉंग्रेस आघाडी करणार की नाही याविषयी पक्षाची भूमिका स्पष्ट होत नसताना निवडणूक रणनीती ठरवण्यासाठी चिदंबरम यांची नियुक्ती करण्यात आली आहे. (Congress appoints P Chidambaram as Coordinator for Goa ahead of elections)

कॉंग्रेसच्या अध्यक्षा सोनिया गांधी यांनी ही नियुक्ती केल्याचा आदेश कॉंग्रेसचे राष्ट्रीय सरचिटणीस के.सी. वेणुगोपाल यांनी जारी केला आहे.

भारताचे माजी गृहमंत्री पी चिदंबरम यांना येत्या विधानसभा निवडणुकीत गोव्यात कॉंग्रेसला विजयी करण्याच्या इराद्याने काँग्रेसच्या केंद्रीय पक्षश्रेष्ठींनी पाठवण्याचे ठरवले आहे. त्यानुसार आदेश काढण्यात आलेला आहे. मार्च २०२२ ला गोवा विधानसभेच्या निवडणुका होणार आहेत. त्या निवडणुकात काँग्रेसची निवडणूक रणनीती ठरवण्यासाठी निवडणूक निरिक्षक म्हणून पी चिदंबरम यांंची नियुक्ती करण्यात आली आहे.

मागील विधानसभा निवडणुकीत गोव्यात कॉंग्रेस पक्षाला सर्वात जास्त १७ जागा मिळूनही तो पक्ष सत्तेवर येऊ शकला नव्हता. तर १३ जागा मिळवलेल्या भाजपने इतर पक्षांच्या सहकार्याने सत्ता काबीज केली होती. त्यावेळी दिग्विजय सिंग हे गोव्याचे कॉंग्रेसचे प्रभारी होते. यावेळी मात्र चिदंबरम यांना गोवा निवडणूक प्रभारी तथा निरीक्षक म्हणून कॉंग्रेसने नियुक्त केले आहे.