Goa Liquor Ban: वारखंड नागझर ग्रामपंचायतीच्या दोन सरकारी कर्मचाऱ्यांनी ग्रामपंचायत क्षेत्रातील दारूची दुकाने पूर्वीची व नव्यानेही सुरू करण्यात येणार असलेली दारूची दुकाने कायमची बंद करावीत, असा ठराव मांडून तो सर्वानुमते मंजूर केला.

हा ऐतिहासिक निर्णय घेत असताना आता पंचायतीलाही कायदेशीर बाजूचा विचार करून पुढील पाऊल टाकावे लागणार आहे.

वारखंडच्या सरपंच गौरी जोशालकर म्हणाल्या, गावचे अस्तित्व राखण्यासाठी आणि वारखंड गाव आदर्श गाव बनवण्यासाठी पंचायत क्षेत्रातील दारू दुकाने पूर्णपणे बंद करून यापुढे नव्या दारूच्या दुकानाला परवाना दिला जाणार नाही.

जी पूर्वीची दुकाने आहेत. त्याबाबत कायदेशीर बाजूचा अभ्यास करून कायदेशीररित्या कशा पद्धतीने बंद करता येतील, यावरही अभ्यास केला जाईल. तज्ञांचे सल्ले घेऊन ही दुकाने पूर्णपणे बंद केली जाणार आहेत, असेही जोशालकर यांनी सांगितले.

पूर्वी जी दारूची दुकाने आहेत, त्यातून पंचायतीला दरवर्षी वीस हजार रुपये महसूल मिळत होता.गावच्या इतिहासामध्ये प्रथमच वारखंड पंचायतीत ग्रामसभेमध्ये जी पंचायत क्षेत्रात दारूची दुकाने पूर्वीची आणि यापुढे परवाने देऊ नये असा ठराव मांडण्यात आला.