Goa Sand Mining कामुर्ली येथे सुरु असलेल्या अवैध वाळू उपशावर कोलवाळ पोलिसांनी छापा टाकला असून या कारवाईत एक ट्रक जप्त करण्यात आल्याची माहिती प्राप्त झाली आहे. मामलेदार आणि पोलिसांनी मिळून ही कारवाई केली आहे.

मिळालेल्या माहितीनुसार, कामुर्ली येथे बेकायदेशीर वाळू उपसा होत असल्याची माहिती कोलवाळ पोलिसांना मिळाली होती. त्या माहितीच्या आधारे पोलिसांनी छापा टाकला. या छाप्यात वाळूसह एक ट्रक जप्त करण्यात आला आहे.

भविष्यात अशा प्रकारच्या घटना घडू नयेत यासाठी या प्रकरणाकडे गांभीर्याने पाहावे आणि सक्त कारवाई करावे अशी सूचना कोलवाळ पोलिसांना देण्यात आल्या आहेत. या प्रकरणी बार्देझ मामलतदारांनी घटनास्थळाला भेट दिली होती. त्या विषयी खाण विभागाचे प्रतिनिधी औपचारिकता पूर्ण करत असून पुढील तपास चालू आहे