मडगाव : मागच्याच आठवड्यात केलेल्या भाकिताप्रमाणे कोलवा समुद्र किनाऱ्यावर मोठ्या प्रमाणात झालेल्या वाळूच्या धुपीने आपले प्रताप दाखवले आहेत. त्यामुळे कोलवा सर्किट योजनेखाली केलेल्या सौंदर्यीकरणाची वाताहात झाल्याचं चित्र आहे.
स्थानिक रहिवासी मात्र याप्रकरणी पर्यटन खात्याला दोष देत असून वेळीच सावध करूनही कोणतेच उपाय न योजल्याने या योजनेवर केलेला खर्च वाया गेल्याचे स्थानिकांचे म्हणणे आहे. प्रसारमाध्यमांनी या आठवड्याच्या प्रारंभीच वाळूची मोठ्या प्रमाणात धूप होऊ लागलेली असून त्यामुळे तेथील काही उपक्रम समुद्रात जाण्याची शक्यता व्यक्त केली होती. पण यंत्रणेने ही बाब गांभिर्याने न घेतल्याने तसेच घडले आहे.
अगदी कोलवा किनाऱ्यावर पाण्यालगत उभा केलेला सज्जा पाण्यात कोसळला आहे तर दुसरा कोसळण्याच्या बेतात आहे. त्याचप्रमाणे तेथील बालोद्यानाकडेच्या भिंतीला समुद्र विस्तारामुळे तडे गेले आहेत. तसेच तेथील शोभिवंत दिव्यांची नासधूस झाली आहे. या भागातील रस्ताही काही प्रमाणात खचला आहे. त्यामुळे या योजनेवर केलेला खर्च वाया गेला आहे. संबंधितांनी स्थानिकांना विश्वासात न घेता ही योजना केल्याचा परिणाम असल्याचा ठपका लोकांनी ठेवला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.