गोवा

Colonel CK Naidu Trophy: अझानच्या शतकचाच गोव्याला दिलासा, 380 धावांच्या आघाडीसह आंध्रने लादला फॉलोऑन

फॉलोऑननंतर दुसऱ्यांदा फलंदाजी करताना गोव्याने तिसऱ्या दिवसअखेर १ बाद ६१ धावा केल्या.

किशोर पेटकर

Colonel CK Naidu Trophy: गोव्याच्या २३ वर्षांखालील क्रिकेट संघाने कर्नल सी. के. नायडू करंडक स्पर्धेतील आंध्रविरुद्धच्या लढतीत निराशाजनक खेळ केला, त्यामुळे त्यांच्यावर फॉलोऑनची नामुष्की ओढविली. या अपयशात केवळ सलामीच्या अझान थोटा याच्या शतकाचाच दिलासा लाभला.

कडापा येथील वायएस राजा रेड्डी आंध्र क्रिकेट असोसिएशन स्टेडियमवर मंगळवारी सामन्याच्या तिसऱ्या दिवशी आंध्रने पहिला डाव दुसऱ्या दिवसअखेरच्या ४ बाद ६०६ धावांवर डाव घोषित केला. त्यानंतर गोव्याचा पहिला डाव २२६ धावांची आघाडी प्राप्त केली.

फॉलोऑननंतर दुसऱ्यांदा फलंदाजी करताना गोव्याने तिसऱ्या दिवसअखेर १ बाद ६१ धावा केल्या. ते अजून ३१९ धावांनी मागे असून बुधवारी सामन्याचा शेवटचा दिवस आहे. दिवसातील २.३ षटकांचा खेळ बाकी असताना पहिल्या डावातील शतकवीर अझान बाद झाल्यामुळे गोव्याला जबर धक्का बसला.

शानदार शतकी खेळी

गोव्याचा पहिला डाव संकटात असताना अझान थोटा याने किल्ला लढविताना शानदार शतक नोंदविले. त्याने ११६ धावा केल्या. या दरम्यान २१८ चेंडूंतील खेळीत ११ चौकार व २ षटकार मारले. संघाची ४ बाद ४५ अशी दयनीय स्थिती असताना या डावखुऱ्या फलंदाजाने जिगरबाज खेळ केला.

आयुष वेर्लेकर (२७) याच्यासमवेत त्याने पाचव्या विकेटसाठी ६९ धावांची भागीदारी केली. नंतर मनीष काकोडे (३३) याच्यासह आठव्या विकेटसाठी ६७ धावांची भागीदारी करून ७ बाद १३७ वरून गोव्याला द्विशतक गाठून दिले. आंध्रच्या त्रिपूर्ण विजय याने ६ गडी बाद केले, तर अझानची महत्त्वपूर्ण विकेट मिळविलेल्या वासू याने तीन फलंदाज टिपले.

संक्षिप्त धावफलक

आंध्र, पहिला डाव: ४ बाद ६०६

गोवा, पहिला डाव: ७९.२ षटकांत सर्वबाद २२६ (अझान थोटा ११६, अभिनव तेजराणा ११, राहुल मेहता २, योगेश कवठणकर १, कौशल हट्टंगडी १, आयुष वेर्लेकर २७, शिवेंद्र भुजबळ ७, दीप कसवणकर ५, मनीष काकोडे ३३, लखमेश पावणे नाबाद ५, शुभम तारी ९, साकेत राम १-१४, वासू ३-८६, त्रिपूर्ण विजय ६-६३).

गोवा, दुसरा डाव (फॉलोऑननंतर): १९ षटकांत १ बाद ६१ (अझान थोटा ३५, अभिनव तेजराणा नाबाद १८, मनीष काकोडे नाबाद २, हेमंत रेड्डी १-१०).

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दोनवेळा घर कोसळले, मदत नाही फक्त आश्वासनं मिळाली; कोलवाळमधील 65 वर्षीय महिलेचा एकाकी संघर्ष

Disneyland In India: भारतात होणार ‘डिस्नेलँड’, 500 एकर परिसरातल्या थीम पार्कला ‘या’ राज्याने दिली मंजुरी

Crocodiles Viral Video: हा कसला वेडेपणा! चक्क मगरीला दुचाकीवर घेऊन प्रवास, व्हिडिओ पाहून म्हणाल, खतरनाक...

Viral Video: भर मैदानात घुसला 'बिनतिकीट' पाहुणा! कुत्र्याच्या एंट्रीनं खेळाडूंमध्ये घबराट, पाहा VIDEO

Goa News Live Updates: पर्ये मॅनेजमेंट कॉलेज जवळ रात्री चाकू हल्ला

SCROLL FOR NEXT