Cm Pramod Sawant : मुख्यमंत्री डॉ. प्रमोद सावंत दोन दिवसांच्या सोलापूर-कोल्हापूर दौऱ्यावर आहेत. बुधवारी त्यांनी सोलापूर दौऱ्यात राष्ट्रवादी काँग्रेस आणि शिवसेना नेत्यांच्या गाठीभेठी घेतल्या. सायंकाळी त्यांनी पंढरपुरात विठ्ठल-रखुमाई मंदिराला भेट दिली.

डॉ. सावंत २३ रोजी सकाळी ९ वाजता सोलापूर विमानळावरून खासगी चार्टर विमानाने कोल्हापूरकडे रवाना होणार आहेत. ते साडेनऊ वाजता कोल्हापूर येथील श्री महालक्ष्मी देवीचे दर्शन घेणार आहेत. त्यानंतर टेंबलाईवाडी, कणेरी मठ येथील सिध्देश्वर मंदिरात देवदर्शन करून ते कोल्हापूर विमानतळावरून गोव्याकडे प्रयाण करणार आहेत.

दरम्यान, सावंत यांनी सोलापुरात विविध पक्षांच्या नेत्यांच्या भेटी घेतल्याने चर्चेला उधाण आले. मुख्यमंत्री सावंत यांनी आज सोलापूर दौऱ्यात मालदंडी आणि बार्शी शाळूच्या हुरड्याचा आनंद घेतला. शेंगदाणा चटणी, जवस चटणी आणि सांगोल्याच्या प्रसिद्ध द्राक्षांचाही सावंत यांनी आस्वाद घेतला.