राज्यातील कोरोनाचा धोका कमी झाला नसताना दुसरीकडे कोरोनाच्या ओमिक्रॉन व्हेरिएंटने धुमाकुळ घालण्यास सुरुवात केली आहे. राज्यात ओमिक्रॉनचे रुग्ण सापडण्यास सुरुवात झाली आहे. 'यातच आता रशियातून दिल्लीमार्गे गोव्यात आलेले प्रवासी ओमिक्रॉन संशयित सापडले आहेत. दरम्यान, आम्ही त्यांना थेट Omicron रुग्ण म्हणू शकत नाही. त्यांचे रिपोर्ट प्रलंबित असून, ते सर्व आयसोलेशनमध्ये आहेत. मी लोकांना जास्तीत जास्त लसीकरण करण्याचे आवाहन करतो, असं गोव्याचे मुख्यमंत्री प्रमोद सावंत यांनी म्हटले आहे.

दरम्यान, ओमिक्रॉन (Omicron) या नव्या व्हेरियंटचे राज्यात (Goa) 5 संशयित रुग्ण असले तरी कोरोनाविषयक स्थिती नियंत्रणात आहे. राज्यात सद्यस्थितीत लॉकडाऊनची गरज नाही. त्यामुळे लोकांनी घाबरण्याचे कारण नाही, असेही मुख्यमंत्री डॉ. प्रमोद सावंत (Pramod Sawant) यांनी सांगितले होते. संबंधित संशयितांचे जीनोम सिक्वेलिंगचे अहवाल प्रतीक्षेत असून ते उद्या किंवा परवा येतील, असे आरोग्य खात्याच्या वतीने सांगण्यात आले.