गोव्याचे मुख्यमंत्री डॉ. प्रमोद सावंत (Goa CM Pramod Sawant) यांना एक बोगस फोन आला, अज्ञात व्यक्तीकडून आलेल्या या फोनवर संबधित व्यक्तीने केंद्रीय कायदा मंत्रालयाकडून बोलत असल्याचा दावा केला. पर्वरी पोलिसांनी (Porvorim Police) या प्रकरणी अज्ञात व्यक्ती विरोधात गुन्हा दाखल केला असून, पोलिस अधिक तपास करीत आहेत.

याबाबत मिळालेल्या अधिक माहितीनुसार, मुख्यमंत्री प्रमोद सावंत यांना 9528369009 या अज्ञात नंबर वरून फोन आला. संबधित व्यक्तीने आपण केंद्रीय कायदा मंत्रालयाकडून बोलत असल्याची बतावणी केली. पोलिसांनी तात्काळ याची दखल घेऊन नंबर आणि त्यासंबधित व्यक्ती विरोधात गुन्हा दाखल केला आहे. याप्रकरणी पुढील तपास पर्वरी पोलिस करीत आहेत.