डिचोली: गुढीपाडव्याच्या शुभदिनी मुख्यमंत्री डॉ. प्रमोद सावंत यांव नी आज शनिवारी सपत्नीक नार्वेतील श्री सप्तकोटेश्वर देवाच्या पिंडीवर अभिषेक केला. मुख्यमंत्र्यांनी नववर्षाचा संकल्प करतानाच जनतेच्या कल्याणासाठी प्रार्थना केली.

यावेळी मयेचे आमदार प्रेमेंद्र शेट यांच्यासह देवस्थानचे अध्यक्ष पृथीराज सरदेसाई, सचिव राजाराम दिवकर आदी पदाधिकारी तसेच स्थानिक पंच प्रतिष्ठा मिशाळ उपस्‍थित होत्या. दरम्‍यान, मुख्यमंत्र्यांनी नार्वे गावात काल (शुक्रवारी) साजरा करण्यात आलेल्या श्री थोरल्या देवाच्या अर्थातच ‘कोको’ देवाच्या जत्रेला उपस्थिती लावली होती. आज त्यांनी शिवकालीन इतिहास असलेल्या श्री सप्तकोटेश्वर देवाच्या चरणी सेवा अर्पण केली.