डिचोली: वादळी पावसाच्या तडाख्यात भायलीपेट-डिचोली येथील एक जुनाट बंद घर कोसळून या घराला दोन्ही बाजूने टेकून तीन घरांची पडझड झाली. दोन दुकानांनाही झळ बसली. काल (सोमवारी) मध्यरात्री घडलेल्या या घटनेत कोणतीही आपत्ती ओढवली नसली, तरी धोका ओळखून पेडणेकर कुटुंबातील सदस्यांनी मध्यरात्रीच सुरक्षित ठिकाणी आसरा घेतला.

काल मध्यरात्री साडेबारा वाजण्याच्या सुमारास भायलीपेट येथील कापडी कुटुंबाचे पुरातन जीर्ण घर कोसळले. या घराची डाव्या बाजूची भिंत कापडी आणि पेडणेकर यांच्या घरावर कोसळली. त्यामुळे या घरांच्या भिंतीची पडझड झाली.

या दोन्ही घरांनी दुकाने आहेत.उजव्या बाजूने असलेल्या चणेकर यांच्या घरालाही हादरा बसून या घराचीही पडझड झाली. या तिन्ही घरांना धोका उद्‍भवला आहे. धोका ओळखून दुकानदारांनी दुकानातील सामान खाली केले आहे.

घटनेची माहिती मिळताच नगराध्यक्ष कुंदन फळारी, नगरसेवक अनिकेत चणेकर आणि सुदन गोवेकर यांनी घटनास्थळी जावून पडझडीची पाहणी केली. या घटनेची माहिती मिळताच मामलेदारांच्या निर्देशानुसार तलाठ्यांनी घटनास्थळी जाऊन पडझडीचा पंचनामा केला.

जेसीबी यंत्राच्या सहकार्याने मजतकार्य हती घेण्यात आले. शहरातील सोनारपेट येथील एका बंद घरावर आंबाड्याचे घर कोसळून या घराची मोडतोडझाली.