वास्को: शहरात गटार साफ व दुरुस्ती करण्याच्या नावाखाली उघडून टाकलेल्या गटारावर लाद्या परत गटारावर झाकल्या नसल्याने वाहतूक रहदारीचे तसेच पार्किंग व्यवस्थेचे तीन तेरा वाजत आहे. पादचाऱ्यांनाही याचा मोठ्या प्रमाणात त्रास सहन करावा लागत असल्याने नागरिकांत असंतोष पसरला आहे.(Citizens had to suffer due to partial work of Mormugao Municipality)

मुरगाव नगरपालिकेतर्फे Mormugao Municipality शहरातील गटार साफ व दुरुस्ती करण्याचे काम हाती घेण्यात आले होते. गेले दोन तीन महिन्यापासून सदर काम चालू आहे. आज पर्यंत काम अर्धवट आहे. दरम्यान या गटाला वरील लाद्या काढून टाकण्यात आले आहेत. काही लाद्याचा चुराडा झाला आहे. तर काही लाद्या तुटलेल्या आहेत. त्या तशाच रस्त्यावर पडून आहेत. येथील देशपांडे मार्गावर अन्नपूर्ण हॉटेल समोरील गटाराचे काम गेले तीन महिने चालू असून अर्धवट स्थितीत आहे. त्यामुळे येथील पार्किंग Parking व्यवस्थेचा बोजवारा झाला आहे. तसेच शहरात इतर ठिकाणी गटारा वरील लाद्या उखडलेल्या स्थितीत आहेत, मात्र त्या परत घालण्याचे नाव पालिका घेत नाही किंवा स्थानिक प्रतिनिधी घेत नाही. त्या तशाच पडून आहे. त्यामुळे याचा वाहतूक रहदारीवर परिणाम होतो. तसेच पादचारानाही याचा मोठ्या प्रमाणात त्रास सहन करावा लागतो. तेव्हा सदर गटाला वरील लाद्या लवकर घालाव्यात अशी मागणी नागरिकांकडून होत आहे.