Mopa Airport: मनोहर आंतराष्ट्रीय विमानतळावरून एक धक्कादायक प्रकरणाचा खुलासा झाला. बुधवार (दि. २७ नोव्हेंबर) रोजी वैध कागदपत्रांशिवाय ई-सिगारेट बाळगल्याबद्दल मोपा विमानतळ पोलिसांनी एका रशियन नागरिकावर गुन्हा दाखल केला. भारतात सप्टेंबर २०१९ असून ई-सिगारेटच्या वापरावर बंदी आहे आणि तरीही अवैध प्रकारे ही सिगरेट आढळून आल्याने रशियन नागरिक पोलिसांच्या हाती लागला.

मिळालेल्या माहितीनुसार उत्तर गोव्यातील मोपा विमानतळावरील सीएसएफ युनिटचे एसआय राजेश मांझी यांनी ही तक्रार दाखल केली होती.विमानतळावर तपासणीदरम्यान इरोशकिन अलेक्सेईला ई-सिगारेट आढळून आली.

रशियातील नागरिकाने त्याच्या उजव्या पायाच्या सॉक्समध्ये ही ई-सिगारेट लपवलेली होती.हा प्रवासी पोलिसांच्या हाती लागताच भारतात ई-सिगारेटवर बंदी असल्याने प्रवाशाकडून शुल्क आकारले गेले.

मोपावरील मद्यविक्रीस स्थानिकांचा विरोध

गोवा सरकारने इमारतीच्या टर्मिनलमध्ये मद्यदालन सुरू करण्यास ‘एएआय’ला परवानगी दिली होती. त्यानुसारऑनलाईन निविदा जारी केली होती व त्यावर लिलाव झाला होता. या लिलावात मुंबई वाईन्स अँड ट्रेड्स कंपनी यशस्वी ठरली. या दरम्यान राज्यातील मद्य व्यवसाय मालक संघटनेने याचा जाब सरकारला विचारला होता, मात्र सरकारने त्याला काहीच उत्तर दिले नव्हते.