Madgaon : कुडतरी मतदारसंघांत वाढलेली लोकसंख्या लक्षात घेऊन वीज समस्या सोडविण्यासाठी अधिक क्षमतेचे विजेचे ट्रान्स्फॉर्मर बसविण्याचे आश्वासन वीज अभियंत्यांनी दिले. कुडतरीचे भाजप नेते अँथनी बार्बोझा यांनी कुडतरीच्या नागरिकांबरोबर आज वीज कार्यालयात जाऊन विजेच्या समस्या अभियंत्यांकडे मांडल्या.

यावेली राय येथील कणसांचे फेस्ताच्या ‘नोव्हेना’ सुरू होण्यापूर्वी पथदीप दुरुस्ती करणार असल्याचेही अभियंत्यांनी आश्वासन दिले. मानोरा, बाकभाट, आर्लेम, विराभट- कुडतरी, भाटी-कुडतरी आणि इतर अनेक ठिकाणी विद्यमान ट्रान्सफॉर्मर बदलून तिथे उच्च शक्तीचे ट्रान्सफॉर्मर बसविण्याची गरज बार्बोझा यांनी व्यक्त केली.

अभियंता सूरज वाघमोडे आणि कैलास नाईक गावकर यांनी सर्व तक्रारी ऐकून घेतल्या. झेवियर फर्नांडिस, मिंगेलिना डिसोझा, राणी डिकुन्हा, मन्युएल रॉड्रिग्ज, ज्योती नाईक, दया मिंगळे, तारकेश्वर नाईक, क्लेमेंत डायस व अन्य नागरिक उपस्थित होते.

राया आणि कुरतरी, मानोरा, बरेभट्ट, आर्लेम, कुर्रा, टेंबी-उज्रो, गन्नापोगा, डॅमन, क्वेव्हॉन, बाकभट्ट, कोलमडोंगोर, सांतेमोल आणि परिसरातील पथदीप सुरळीत करण्यासाठी वीज संबंधित सर्व तक्रारींचे निराकरण करण्याची मागणी बार्बोझा यांनी यावेळी केली.

समस्या सोडविणार!

अभियंत्यांना 5 ऑगस्ट रोजी साजरा होणाऱ्या राय येथील पारंपरिक मेजवानी ''कॉन्समचेम फेस्त''च्या नोव्हेनास सुरू होण्यापूर्वी सर्व समस्या सोडविणे आवश्‍यक असल्याचे अवर लेडी ऑफ स्नोज चर्चच्या झेवियर फर्नांडिस यांनीही सांगितले.

तसेच राय जंक्शन आणि सँटेमॉल जंक्शन येथे योग्य पथदीप दुरुस्तीची मागणी करण्यात आली. त्यावर राय फेस्त नोव्हेना सुरू होण्यापूर्वीच पथदीपही सुरू होतील, तसेच इतर समस्याही सोडविल्या जातील, असे विद्युत सहाय्यक अभियंता सूरज वाघमोडे, कनिष्ठ अभियंता कैलास नाईक गावकर यांनी दिले.