CM Pramod Sawant: मुख्यमंत्री डॉ. प्रमोद सावंत यांनी सर्व खात्यांच्या सचिवांसोबत बैठक घेतली. या बैठकीत बजेटच्या कडक अंमलबजावणीच्या सूचना त्यांनी अधिकाऱ्यांना दिल्या आहेत.

बजेटच्या अंमलबजावणीवर मुख्यमंत्र्यांचे लक्ष राहणार असून दर महिन्याच्या पहिल्या सोमवारी आढावा बैठक घेण्यात येणार आहे.

बजेटमधील तरतुदींची कडक अंमलबजावणी करण्याच्या सुचना प्रशासनाला देण्यात आल्या आहेत.

बजेटमधील घोषणेनुसार एखादे काम सुरू झाल्यापासून त्या कामाचे इत्थंभूत माहिती दिली गेली पाहिजे. नवीन प्रकल्पाच्या पायाभरणीपासून ते उद्घाटन होईपर्यंतचे तपशीलवार वेळापत्रक असले पाहिजे.

त्यासाठीचे नियम बनवणे, संबंधितांना माहिती देणे, ही कामेही या वेळापत्रकानुरूप झाली पाहिजेत, अशा सूचना देण्यात आल्या आहेत. प्रत्येक महिन्याच्या पहिल्या सोमवारी आढावा बैठक घेण्यात येणार आहे.