रोजंदारीवर गेली सात आठ वर्ष आम्ही काम करतो, आता आम्हाला नोकरीत कायम करा. अशी मागणी मुरगाव पालिकेच्या रोजंदारी कामगारांनी केली आहे. मुख्यमंत्री (CM) डॉ.प्रमोद सावंत यांनी रोजंदारीचे वेतन प्रतिदिन 500 रुपयांवरुन 700 रुपयांवर नेल्याबद्दल त्यांनी आभार मानले.

मुरगाव (Mormugao) पालिकेमध्ये सुमारे 70 कामगार रोजंदारीवर काम करतात. गेली सात आठ वर्षे काम करणाऱ्या या कामगारांना प्रत्येक वर्षी कामासंबंधी नूतनीकरण करावे लागते. त्यांना विविध प्रकारची कामे करावी लागतात.

त्याचप्रमाणे त्यांना पाहिजे तेथे कामावर पाठवले जाते. परंतू आम्ही सांगितलेली सर्व कामे निमुटपणे करतो. असे काहीजणांनी सांगितले. आता आमच्या प्रतिदिन वेतनामध्ये सुमारे 200 रुपयांची वाढ झाली आहे. ही, चांगली गोष्ट आहे. त्यामुळे आमच्या काही समस्या दूर होण्यास मदत होईल. तसेच आम्हाला रजा देण्यात येणार असल्याचे कळते याबद्दल आम्ही डॉ. सावंत यांचे आभारी आहोत. असे त्यांनी सांगितले.

आम्ही गेली सात आठ वर्षे रोजंदारीवर काम करीत असल्याने आम्हाला कामावर कायम करण्यासाठी डॉ. सावंत यांनी विचार करावा अशी मागणी त्यांनी केली. डॉ. प्रमोद सावंत (Pramod Sawant) आमच्या मागणीचा विचार करतील अशी आशा त्यांनी व्यक्त केली.