गणेश चतुर्थीच्या काळात वाढू शकणाऱ्या वाहनांची संख्या तसेच नागरिकांकडून खरेदीसाठी गर्दी होण्याची संभाव्यता पाहता याचा विचार करत डिचोली येथील वाहतूकीमध्ये बदल करण्यात आले आहेत. अशी माहिती डिचोली पालिकेने दिली आहे.

(Change in traffic at Bicholim Ahead Of Ganesh Chaturthi)

मिळालेल्या माहितीनुसार डिचोली नगर पालिकेने गणेश चतुर्थीच्या काळात सकाळी सात ते रात्री दहा या काळात वाहतूकीत बदल करण्यात येणार आहेत. यानुसार डिचोली मार्केटमध्ये वाहनांना ‘नो एंट्री’ असणार आहे. कारण या काळात मोठ्या प्रमाणात नागरिक खरेदीसाठी बाहेर पडणार आहेत. त्यामूळे सर्व नागरिकांची गैरसोय होऊ नये यासाठी पालिका प्रशासनाने हा निर्णय घेतला असून नागरिकांनी याची नोंद घ्यावी असे ही प्रशासनाने म्हटले आहे.

येत्या रविवारपासून ते गणेश चतुर्थीपर्यंत हा वाहनांसाठीचा बदल केला जाणार आहे. अशी माहिती प्रशासनाने दिली आहे. हा बदल सकाळी 7 ते रात्री 10 वाजेपर्यंत कोणत्याही वाहनांना बाजारात परवानगी दिली जाणार नाही. बाजाराकडे जाणारे सर्व रस्ते बंद राहतील अशी ही माहिती नगरपालिकेने वाहतूक पोलिसांना ही कळवली आहे. त्यामूळे पोलीस ही या बदलाने आपले नियोजन त्याप्रमाणे आखणार आहेत.