हणजूण: ड्युटीचे ठिकाण बदलल्यामुळे नाराज कामागाराने हणजूण येथील एका खासगी हॉटेलमध्ये राडा घातला. कामगाराने हॉटेलमधील रुमला आग लावून जीवन संपविण्याचा प्रयत्न केला. पोलिसांनी अखेर या कामगाराला अटक केली. सोमवारी (दि. १९ ऑगस्ट) दुपारी हा प्रकार उघडकीस आला.
मिळालेल्या माहितीनुसार, हणजूण येथील एका खासगी हॉटेलमध्ये कागाराच्या ड्युटीचे ठिकाण बदलल्यामुळे हाय व्होल्टेज ड्रामा झाल्याचे पाहायला मिळाले.
एका ३५ वर्षीय कामगाराच्या ड्युटीचे ठिकाण हॉटेल व्यस्थापनाकडून बदलण्यात आले. या निर्णयामुळे नाराज झालेल्या कामगाराने चक्क हॉटेल रुमलाच आग लावण्याचा प्रयत्न केला.
एवढेच नव्हे तर जीवन संपविण्याची धमकी हॉटेल प्रशासनाला दिली. यावरुन हॉटेलमध्ये बराचवेळ हाय व्होल्टेज ड्रामा पाहायला मिळाला. अखेर या घटनेची पोलिसांना माहिती देण्यात आली. पोलिसांनी घटनास्थळी धाव घेत कामगाराविरोधात १५१ अंतर्गत कारवाई करत अटक केली आहे. पुढील तपास हणजूण पोलिस करत आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.