डिचोली : लाडफे येथील श्री सातेरी केळबाय कला आणि सांस्कृतिक मंडळाचा चौदावा वर्धापनदिन मोठ्या उत्साहात साजरा करण्यात आला. त्यानिमित्त आयोजित केलेल्या सोहळ्यास प्रमुख पाहुणे म्हणून डिचोलीचे आमदार डॉ. चंद्रकांत शेट्ये उपस्थित होते. अन्य मान्यवरात उद्योजक हेमंत पिळगावकर, लाटंबार्सेचे सरपंच ज्ञानेश्वर गावस, पंच कुंदा च्यारी, देवस्थानचे अध्यक्ष विष्णू मळीक आणि ज्येष्ठ कलाकार साबाजी मोपकर यांचा समावेश होता.

यावेळी बोलताना आमदार डॉ. शेट्ये यांनी संस्थेच्या कार्याचे कौतुक केले. संस्थेसाठी इमारत बांधून देण्यासाठी आपण प्रयत्न करणार असल्याचे आश्वासनही डॉ. शेट्ये यांनी दिले. हेमंत पिळगावकर, कुंदा च्यारी आणि विष्णू मळीक यांनी मनोगत व्यक्त केले. रघुनाथ परब यांनी सूत्रसंचालन केले आणि रोहित मोपकर यांनी आभार मानले. या सोहळ्यानंतर "देवता" हा नाट्यप्रयोग सादर करण्यात आला.

मान्यवरांचा सत्कार

वर्धापनपन दिनानिमित्त पंचायत क्षेत्रातील सहा कलाकारांचा आमदार डॉ. शेट्ये यांच्या हस्ते सत्कार करण्यात आला. सदाशिव चंद्रकांत च्यारी, विठ्ठल हळदणकर (लाडफे), वासू गावस (खरपाल), एकनाथ मोर्लेकर (कासारपाल), साईनाथ कानोळकर (नानोडा) आणि बाबली गावकर (उसप) यांचा सत्कारमूर्तीत समावेश होता. श्री सातेरी केळबाय कला आणि सांस्कृतिक महिला मंडळ सदस्यांचाही यावेळी गौरव करण्यात आला.