पणजी: राज्यात शनिवारी कोरोनाचे 14 नवे रुग्ण सापडले. सध्या रुग्णांचे प्रमाण वाढत असून संक्रमणाचा दरही 2.32 टक्के इतका झाला आहे. सक्रिय रुग्णांची संख्या 77 इतकी झाली आहे. राज्यात आतापर्यंत 2 लाख 45 हजार 562 नागरिकांना कोरोनाची बाधा झाली असून यापैकी 2 लाख 41 हजार 653 रुग्ण बरे झाले. हे रुग्ण बरे होण्याचे प्रमाण 98.41 टक्के इतके आहे. गेल्या 24 तासांत कोरोनामुळे कोणाचाही मृत्यू झाला नसल्याने एकूण मृत्यूचा आकडा 3 हजार 832 वर कायम आहे. शनिवारी 603 संशयित रुग्णांच्या चाचण्या घेतल्या. त्यापैकी 14 जणांना कोरोनाची लागण झाल्याचे स्पष्ट झाले. राज्यात चौथ्या लाटेचा धोका जरी नसला, तरी लोकांनी दक्षता घेण्याचे आवाहन करण्यात आले आहे.